我地決定首先買干花，正確應該話係睇定D先買，點知當問到有D花一毫一支之后，我地就米使方向，喪揀花，老板娘話揀好再平D俾我地，點知，呢個又係一個圈套，當MUI姐D花計咗一半就過百我地就即刻醒悟，然后就同老板娘講價，唔成功之后就立刻松人，繼續睇。后來發覺，全條街都係打龍通之后，我就即刻醒水，搵咗兩間相對平DD嘅鋪頭同個老板拉鋸起身。我用好無敵嘅四川話加DD饒舌音，扮下云南話，講價講到老板無曬意見，喺我地一人一句之后，老板居然發脾氣，不過我地唔理咁多。執起就走～又唔係無俾錢！仲要受氣，發神經！

本身我地都好想買藍色妖姬，點知經高人提點話唔開滯，我地就派MUI姐做代表買咗一扎。哈哈～其他好睇顏色嘅玫瑰，我地都買咗唔少，后來撞到一個哥哥買百二支一扎嘅玫瑰，仲裝箱，唔止買一扎，我地身在異鄉就事無忌憚咁討論“佢係咪唔止一條女啊？”個哥哥突然開口“咩啊，我得一條咋”

原來係廣東語系嘅朋友～哈哈～后來哥哥好好人俾我地影佢扎花，仲轉讓佢扎香水百合俾GG，因為佢係熟客，佢買平D……最后我地將所有花裝兩大箱仲干鮮分離，推動經濟發展啊～！

一番擔擔抬抬之后我地就截的翻酒店羅行李，繼而直奔火車站。

等咗半個鐘之后，我地成功上車當時我地個卡空無一人，我地就趁機影相，仲去同訓我地對面個家人搭訕，原來係一對中山醫科大教授夫婦帶佢地4歲嘅仔仔去云南旅行～個仔仔真係好聰明，話要同我地玩7鬼523結果，我地三個派人同佢車輪戰。佢次次都羅起曬D大牌，但居然唔係次次都贏到喔，唉～蝦我地未死過啊！

喺DEE DEE吵吵鬧鬧之后，一日好快就過去，我地10點就上床訓教。好健康啊！

　　　8.12火車

　今朝好早其實就醒咗，因為同一卡其他人同係喺陽春落車，佢地係一齊跟團比較熱鬧，幾嘢就吵醒曬我地～

　我地就百無聊賴咁喺度記賬，原來一次旅行真係要洗好多錢架～

　后來等D陽春旅客走曬之后，我地仲開曬D箱分翻開曬D花，我仲強搶咗GG一支百合～哈哈！

　因為又誤咗點所以足足遲咗兩個鐘先翻到佛山，所幸，一翻到媽咪就喺門口等我幫我拎嘢～

8.9昆明自由行

巖巖落火車，我地就直奔建新園食早餐，又係面啊粉啊之類，所以我地達成共識，唔再食建新園，實在頂唔順。好唔容易涯到八點半送咗D嘢翻酒店，就開始亂咁行。首先就去搵旅社去九鄉，無意中俾我地發現原來去世博園好容易，米過去同只馬騮影咗張相囖。后來喺就去步行街嘅公交上，俾我地發現咗個好Q嘅BB　MUI姐梗係唔會放過虐待佢嘅機會啦，唉～如果俾佢留底童年陰影就慘。一落車，行咗兩步就到S&K喔～咁就弊啦。MUI姐話似都要入去買條803，入到去GG又忍唔住試埋一份。結果～全面推動昆明經濟啦梗係～！

其實除咗S&K　屈人錢，百街都要多謝我地啦，作咗咁多貢獻～！

沿路落去就到咗金雞碧馬坊，好多人話好正叫我去下，結果，實踐出真知啊。除咗個牌坊乜都無！贊下個中午飯囖，幾好啊。

行完一大輪，終于決定翻酒店喺酒店門口有個成面唔知咩嘅肥女人無啦啦行出嚟突然靠近GG，仲唔知同GG講咩，嚇到GG死，拉住我就跑，后來佢差D連落街買水都唔敢！我地翻去之后一邊食好咸嘅百街燒雞一邊睇陸雞～都幾悠游架！

羅火車票嘅時候先發現，買早咗一班車，提前3個鐘翻去，打亂咗小小計劃添。唔緊要九鄉一日游無影響就得。

旅行咁耐唯一一晚係乖乖留喺酒店邊度都無去，仲百無聊賴影D手信。

 其實大家都好攰，所以，好早就訓曬，連個出核突嘔像劇都無睇。

8.10       九鄉

其實九鄉有咩睇我地根本唔知，只係沖住一句“不去九鄉，枉去云南”。我地就決定去九鄉。首先我地係去咗一個廟，行到一半我問佢地呢個係道教定佛教，佢兩個都話唔知～！只係知道出廟門嘅時候見到看門口一個貌似道姑咁嘅人，突然企起身，行向神臺，伸手去羅D信眾拎嚟供神嘅水果，拎咗幾只蕉，仲問另外一個人食食。唉～咁搞法我地對寺廟都無曬信心啦！

中午飯嘅時候，我地有幸同一行四人嘅肥仔同臺食飯，原本以為最大食係佢地，結果居然係GG同MUI姐先係高手，大概因為呢餐食齋佢地先無機會大發神威啦！委屈曬啊！

其實所謂九鄉不過係一個溶洞區，當然溶洞不過係幾盞射燈裝飾出嚟，再加上人類無謂嘅遐想得出嚟嘅。所以除咗好陰涼，唔使曬之外，都無咩可取之處。

最后，散團之前導游仲帶我地去買翡翠，唉～GG終于忍唔住除咗手，買咗只貔貅俾G爸爸～我地左睇右睇發覺只只貔貅都差唔多，根本無邊只所謂特別惡，所以米唯有揀口大嘅囖！

我地又再一次重游云南印象城，MUI姐為咗補償自己唔見咗件衫，又試買多咗件民族服裝（值得一提較早之前，我地托王雷同志幫MUI姐搵衫，佢真係搵倒啊，仲打電話俾我問我羅MUI姐地址，話盡快寄俾MUI姐，仲話係為人民服務～真係抵贊！）我同GG就比較迷D草鞋，咁梗係有出手啦！

話民以食為天絕對係無錯，而今晚我地嘅選擇完全同昆明無關嘅重慶火鍋，不過係白鍋，我食起就怪怪地，不過大家食得飽飽就OK啦！

翻酒店嘅時候MUI姐死指住一棟樓話係我地酒店后面，我同GG多翻反駁，佢仲執迷不悟，無法啦，最后佢米知道自己錯咗囖！

翻去之后，我地就開始無比憧憬聽日買花。哈哈！ 

8.7　

我係最早醒嘅，米想話出房聽陣歌、發下短信囖。點知一開門，就見到…SUNDAY督屎，激死。

后來MUI姐同王雷同志都踩過佢，真係搞笑。米睇大家琴晚都蒲到咁夜啊，個個都好早起架。除咗GG同MUI姐訓到11點。

執拾好，退咗房之后。周圍走周圍睇,今日係火把節喇!家家戶戶都鐋黑脚鶏,扎個好大嘅火把、每個都有鮮花喺上面。我地去咗新四方街買魚魚手機繩，好順便咁睇埋今晚的晚會排練，聽到有愛的奉獻、讓世界充滿愛呢幾隻歌，仲有預留咗時間俾領導講話。搞到對于成個晚會都無咩興趣喇...就去咗一間鮮榨果汁店飲嘢..

然後就翻烤太陽喇,玩咗几輪斗地主之後,識到另一個大熊..原來佢識講廣東話嘎,深圳人...大家對于國粹打麻雀都有濃烈嘅興趣,我哋就去咗十合會館打雀喇...無聊咗一個下午之後,好激气咁食咗個好貴嘅飯啊!仲要我地等咗成個鐘，而且唔好食！搞到遲晒到去睇表演,所以最後我哋决定唔去喇,直接翻麗江..但係我哋沿路都見到好多火把..最后我地翻客棧羅行李同胡SIR SAY GOODBYE。仲同王雷同志交換咗電話，佢話想喺束河開間書吧，話我地下次嚟可以去佢度打工，佢包我地食宿～

束河古城，真係有所謂古城風味。呢點令我地三個好滿意，所以我地米話明年要再嚟囖。以下落嚟係MUI姐嘅總結，唔代表本人全部意見：

憾事一:MUI姐買個十條魚魚手機繩同佢件民族服裝掉低咗喺果汁鋪，我啟發咗佢好耐佢先記得掉咗喺邊咋...

憾事二:同個癜佬大熊玩咗一個下午麻雀，嘥時間。

憾事三:當初有人話請客食飯,結果自己俾錢食得好貴仲要等好耐又唔係幾好食。

憾事四:胡sir無應承同我哋合照。

好事一:識到一班好奇特嘅异類

好事二:食到好好食嘅薯餅   only 2RMB　/　PIECE

好事三:可以瞓得好舒服好遲起身

好事四:下年我哋再嚟嘅時候可以去胡sir嘅攝影社同埋老年多動症嘅書bar打工,有人包食宿嘎,hahahaha~~ 

8.8　玉龍雪山

因為吖豬個F叫我地死都要上玉龍雪山。唔係因為個山有幾靚，而係如果行B線根本唔使門票盞益咗旅社。所以我地成點先訓四點半又已經爬咗起身準備去爬山。GG迷迷懵懵學人睇藥材睇咗一陣，佢仲要懶個有深度揸住一種藥材好耐先發現睇緊個只係壯陽草，淤到爆!(其實人哋真名叫草蓯蓉)

我哋行雪山嘅時候見到松鼠啊佢地兩個興奮到乜咁...

由于我同GG心地善良，成日想做D嘢幫MUI姐克服畏高呢個難題，所以我地特意安排佢一個人搭纜車。

據當時人描述（真假難分）佢自己搭纜車上山落山已經唔驚高喇，真好..我地兩個又日行一善。我地驚佢一個人坐會緊張然后呼吸困難就特意俾咗支氧氣佢等佢吸下，點知佢喺纜車上吸完之后放唔實個蓋,個蓋LOOK咗落山啊..仲俾兩個山怪笑。真係羞家囖。

纜車上我同GG見到一對LES喺纜車度攬攬抱抱,仲猛回頭及我哋..新疆真係一個人杰地靈嘅好地方

落山之后我地去白水河，真係好靚..D水係藍色架唔知同佢係雪山水有無關系。后來仲去咗甘海子,玉液池..我哋仲睇咗一出牛豬大屠殺,haha.原來D雪篸好苦咖，好采我地無買到呢種所謂特產啫。

Lunch:我哋喺雲南嘅第一餐浦飛

中國暴發戶摞鬼咁多嘢食又食唔晒,擺喺度..

遇到一家三代奇怪嘅人:個仔死喺我哋後面唱歌:祝我生日快樂,倒帶,愛很簡單.扮晒形咁,戴個奇大無比嘅headphone,部MP3又丑;個媽仲犀利,唱心中的日月.買嘢超豪,玉鐲好似唔使錢咁。阿公一嚟就咗喺車頭扮瀟灑。

晚餐:又見一個類河南人,無論身形,食相膚色都葝似上幾日果幾個阿姨..佢又摞羹就咁饆D湯,饆完飲,又叉翻只羹落去..喪咖!

waiting for you:食完飯之後竟然全人類都羅倒屬于自己嘅車票翻昆明，唯獨我地三個。等咗成兩個半锺，等到我火都起嘛，米打翻昆明囖，我地仲打算打去旅游局投訴添啦，做散客真係好無安全感，成日都俾人拋嚟拋去。好唔容易炸大理個新仔導游型羅倒做三張火車飛，仲係空調嘅。發達啦……

點知又到班車晚點，逼咗餐死之后終于上咗車，車都幾好啊，軟臥設計尚算滿意。但係據MUI姐反映住佢對面嘅女人實在太難頂,只脚有氨氣都算喇,佢竟然成晚都打雷咁轟炸佢脆弱嘅耳膜....抵死，係我嘅總結。本身我係打算訓上鋪即係住個個女人對面，點知MUI姐死要同我爭，我諗住話當敬老米讓逼佢訓，點知就搞成咁。冤孽。 

8.3   7：00a.m.車上

語言介紹：納西族實行土司制,納西族嘅男仔要叫胖金哥,女仔要叫胖金妹.係以黑同肥作爲靚嘅標準!瘦嘅就叫半斤肉!司機唔可以叫司機架果度,要叫師傅!因爲司機係赶猪嘎!

師傅話玉龍雪山好難睇到近兩個月師傅跑呢條線都未見過山頂。但係我哋睇到山頂喔。。。我仲影埋添啊！係米證明我地有運行？

今日朝早下午都無導游，由我地好識吹嘅師傅同我地一路吹，后來佢又帶我地去睇翡翠，呢幾日乜翡翠我地未見識過啊，睇到睇到麻木曬，所以我地唔買都決定要搗亂下，要睇就搵最貴嘅嚟睇所以就搵倒最一個價值680萬嘅翡翠佛，唉～奢侈啊。 

1:00p.m.麗江!

　　小數民族習俗：摩梭走婚三寶:鬆果喂狗;匕首撬門;氊帽挂喺窗外表示呢度已經名花有主啦!

　　小語種學習科,第一課:納西語.

你好= ar Lō Ló Nē

胖金哥=Ruō zhī shuaì

行麗江古城唔會蕩失路嘅小秘笈：水流順水進城逆水出城，地下鋪住打橫嘅街磚表示係死胡同!

　　一入古城方向都未搞清楚，導游就帶我地去飲茶，飲咗幾杯玉龍清明茶之後,我哋知道咗個偏方:原來用茶渣+食鹽洗腳可以除脚氣嘎～偏方對我就無咩用，GG可能有用D～

　　我哋喺麗江可以話係瘋狂左及及右及及，本身我地好有熱情去買銀，點知出名嘅鋪頭人山人海，到最后都空手而回。我地食咗好多當地特色小吃，例如甜咸栗子餅同納西米糕。

我地每個人都買咗好紀念品，有納西族文字嘅吊飾、銀包、披肩、圍巾、方巾。手繩、手鐲乜都有……其實推動經濟發展一向係我地義務。

其實麗江真係已經好商業化，不過都算令人唔抗拒，唔似得成都個D咁惡心。

5:30p.m.

　　聽講有D民居可以影麗江古城全景，仲可以嚟個hi-tea添，我地梗係去見識下啦。原來除咗我地之外仲有D日本伯伯姆姆來來往往影嚟影去完全唔知佢地想點…

亂行亂逛時間過得特別快，夜晚囖，GG死話唔夠衫著要去買衫。我地行咗九條街佢買咗件好肉酸好貴嘅GIO記，然後我地去咗食小籠包同沙鍋餌綫、米線個D行貨嘢，行貨係我講嘅，呢D咁嘢學校門口大把多。GG同MUI姐可能接觸得少D，所以樣樣都想試。最后GG食咗個自認為好過癮嘅罐罐米綫。

繼而，我哋去買風筒吹衫，MUI姐發現果邊嘅超市竟然小吃類得旺旺買!GOD~~~~

8.4  8:30a.m.

今日換咗個好有PATION嘅藏族男導游。佢嘅外貌令我諗起以前學校D“西柚”～佢一路喺度啰啰唆唆吵到我地無得訓覺，講佢以前D咩經歷，好似話初中都未讀完就翻屋K放牛，后來去麗江打工，努力學漢語，然后做咗導游…后來就實在唔知佢UP乜。最有印象係佢要每一堆人都派個代表上去自我介紹，我地一致推舉GG，GG唔制，但輪到我地個時我同MUI姐即刻就扮叉燒，GG好無奈上去用去D好屎嘅普通話講：“我們是來自廣東，我們還是三個人還是學生，好的，謝謝！”簡潔大方！后來我地發現原來我係一直注意嘅5人組合真係廣東人。BINGO！我都話佢地有講類似白話嘅嘢啦！

第一個景點係長江第一灣，老實講都唔知睇出乜…一壇嘢咁，真係一個彎跟住就幾棵樹，跟住幾間擺地攤，哦～最勁係GG去咗個一蚊雞嘅茅廁。－－！一到時間我地即刻上車留到唔想留多一陣。

小數民族習俗：藏民民居嘅設計係”三房一照壁”,用一面白墻嚟照明客廳…呢度嘅猪食草大的,要養三年先可以食.又有毛成身黑卒卒…野猪!

10:00a.m.虎跳峽

行山我唔敢講係我強項，但係我超級行得係出曬名，虎跳峽不過3000幾海拔，我都唔知一次行呢個高度，但係今次行虎跳峽個種辛苦難以言表，初初落山路都幾爽。但係爬翻上嚟就要行5分鐘抖10分鐘，個個都抖唔到氣，路上D人都喺行下休息下，豬豬真係差D就上唔倒去。后來我地幾經辛苦上到去，去停車站居然搵唔到部車，只腳攰到已經唔係自己，仲要用力沿路行落去搵車，行咗好遠，搵唔到，只好放棄，打電話俾導游，原來賽車，部車啱到停車場，又要行翻上去。真係想殺人。上到車5人組合其中一個識講白話嘅男仔主動行去同GG講想坐佢隔離，（我同MUI姐坐一齊，GG隔住條過道一個人坐我地右手邊）。我同MUI姐好愕然然后暗笑，GG即時問點解，個男嚟咗句“我頂唔順啊”。莫名其妙～

12:30p.m.   午飯

啱啱經受完身體折磨，又要精神折磨。之前可能見大家都好攰好無MOOD，就搞鑊激激地嘅。中午飯呢一餐真係食得“精彩”。本身D送嘛嘛地我地已經喺度討論緊，咁大張臺連個轉盤都無好唔方面。跟住有個服務員拎咗碟水蛋上嚟，MUI姐即刻話想食蛋。說時遲那時快。有個河南人居然攞起放喺水蛋上面只公羹就饆起D水蛋放落自己D飯面度,，繼而仲要一個轉手攞起只羹直接入口～咁都算，佢仲放翻佢食過只羹落碟蛋度。一個女人係咁，第二個女人又攞起同一只羹擺落自己個口度，又放翻落碟蛋度……全臺震驚，第一個嘅時候我即時望望坐我正對面單挑暫時脫離佢D老表嘅湛江高二小朋友（喺車度坐GG隔離個男仔），佢即時好無奈。到第二個嘅時候個男仔簡直絕望。我其實好有品，雖然係第一個忍唔住笑嘅，但我即時羅只手暗住個嘴扮咳。跟住四川MISS同佢仔仔喺我隔離似笑非笑，搞到湛江高二小朋友即時呆曬，食唔落飯。冤孽啊。BUT我哋米一樣呢餐都食唔落，無乜點食過……其實旅游初期我就問過GG、MUI姐好好叫人羅多幾松筷子做公筷，佢地話可能大家唔慣咁我就算數啦。點知今日發生D咁嘅悲劇。

 上車之后四川MISS仔仔同我講話好搞笑，跟住我地就用四川話熱烈咁擺了一哈。哈哈～擺明蝦河南人唔識聽架啦！

2:00p.m. 独克宗古城

去香格里拉独克宗古城茶馬古道驛站…參觀咗已經1300年歷史嘅豪宅-阿布老屋.建于明代崇禎7年阿布家族曾是茶马古道上的风云世家。由于这里又是茶马古道的集散地，从滇、藏、川、青和内地来的客商在迪庆中转、交换货物时，由于他家前辈为人厚道，都喜欢住进他家的偏房中，每天都得背十多担水供客商生活用。从西藏来的马帮将他们的虫草、贝母、药材及皮毛等土特产在老屋中存放，换回香格里拉集散地各商行中的红糖、茶叶等商品运回拉萨。古宅历史悠久，但又历尽苍桑，过去多次被焚烧，又无数次被兵匪劫难，后辈又多次修复过，古宅后来慢慢衰落了下去。解放后“文革”中又被政治运动占用过。文革结束了，政府的民族政策下，返还给松家的后人阿布。

去到老屋我地又喺門口裝裝下，結果，見到阿布老人喔！我地問可可以入去影相，佢好有禮貌趕拒絕我地。理由都好充分，因為間屋有好耐歷史，太多人上去驚間屋負荷唔到～所以唯有喺門口睇下簡介同向入面打量下就算。 

5：00p.m.   活佛居住地

我哋參觀咗5個活佛居住過嘅地方,後來仲上咗2樓地藏醫。藏醫望望我只手D掌紋同條脷就話我M唔清得晒。話GG胃唔好；話MUI姐血壓低、營養不良、偏食。跟住仲叫我買380蚊嘅藥，GG買260嘅。因爲呢度有5代活佛居住過,佢嘅裝修係有唔同嘅!只有呢度嘅白塔可以起喺8瓣蓮花同埋水上面,仲要用上千年嘅冷杉做基柱!

之前一直對藏醫好有向往，結果不過如是有DD失望。個藏醫係睇雙手同脷嘅。唔係睇指甲，車~~講真，我D　F都知道我想去西藏睇天葬係因為藏醫學係由天葬師慢慢發現人體死亡癥狀而演變得嚟。喺呢度，有70%嘅人天葬,藏醫已經有1400年嘅歷史啦～都好博大精深！

到晚飯時間，首先介紹下地勢先，四川MISS同佢仔仔一樣同我地一圍，但背對住河南人，今餐D送好無我完全唔知，因為我地三個都默默祈禱呢餐要有水蛋，相信四川小朋友都係咁諗，無嘅話邊有戲睇！可惜到最后連加送都上埋都無水蛋，我差D就俾錢個導游叫佢羅碟水蛋過隔離臺～哈哈～結果有人仲黑心過我地，四川小朋友一直按耐不住擰轉頭及河南人～結果無如我地所愿。就好無癮咁羅鎖匙上房開始洗衫吹衫。

傍晚就到我地一日嘅重頭戲，我地自費項目探訪藏民！之前導游就教咗我地一D簡單藏語同類似軍訓拉歌嘅口號。我地反映都好唔熱情，除咗坐我后面嘅四川MISS。

小語種學習科,第二課:藏語：多謝=zā xī dé lè　，饮茶=zā tóng　，干杯=á lā tóng　，非常好,吉祥如意=zà xī sǔ zà xī sǔ zà lè yī  bǎ sù yǒng chà sù yǒng chà sù zà lè yī  bǎ sù encall=Yà shǜ Yà shǜ Yà Yà shǜ

正式到達藏民民居啦！之前導游講過藏民好熱情佢地會喺門口就擺D酒迎接你，你最好就飲，唔飲得就用拇指同無名指舔小小酒彈三嘢，表達你唔識飲。當時MUI姐一聽倒有酒飲精神已經為之一振，到達現場一拎起酒杯就一干而盡，不愧為MUI姐。事前我地萬分叮囑GG唔得就唔好飲，因為歷史上我地記得有次我地喺宿舍飲紅酒，佢飲得兩啖塊面就好似關公咁，跟住晚修個時佢仲喺課室胡言亂語，你話D咁人係咪隔離佢好D啊！不過佢今日好神勇話佢要行我前面，因為佢想試酒先～哈哈～其實D酒有DD似高粱酒酒精含量唔係好高～你睇下GG一D反映都無就知。但我地三個飲完若無其事戴咗哈達準備上樓嘅時候，喺我后面嘅兩個湛江男仔，慘叫話“好難飲”（GG話見到佢地吐翻D酒出嚟），真係仲係細個～哈哈…大學先練啦，唔遲嘅，反正男嘅點都無舌底啦～

上到樓我地就坐咗下就周圍影相，除咗人地神房之外，都影勻。

后來導游教我地整藏族人主食之一粘粑，就喺只碗放小小酥油茶，加兩羹青稞面，小小糖首先用中指搞下（好文明）跟住就用除拇指外其他四只手指繼續搞。搞成一舊就大功告成啦！

粘粑的味道----C:似湯圓D餡                   

　　　　　----M:似花生糕                                 

　　　　　----G:UP唔出,似綠豆糕青稞的味道

青稞的味道----C:無味            

----M:難食,干水豆咁 

                  ----G:相比之下唔難食

首先就係藏民好有特色嘅表演，不過D表演我地都無咩點睇，我地周圍搵D藏民合照，所幸佢地都好NICE～特別係舅父同啊表姐！

跟住主持三番四次鼓動大家上去群魔亂舞，飲咗青稞酒之後，個個都high晒，最后一次四川MISS仲同D藏族同胞跳辣身舞添，湛江高二嘅男仔仲釣到個靚女翻嚟添。成班人圍住跳舞，雖然唔識得跳，亂伸手伸脚咁，真係好難忘～

翻到酒店例牌同阿爹、娘親打咗個電話就試下導游叫我地盡量唔好嘅高原沖涼～為怕局死喺沖涼房，我就率先仿效GG以前，索性唔關門，我地三個有咩唔睇得啊係咪！結果無樹，仲可以出嚟睇湖南衛視嘅嘔像劇～結果，MUI姐開住電視入定仲繼而圓寂。要我醒咗息翻佢～ 

8.5   8:26a.m. 普達措國家森林公園

小數民族語言課：普達=船,舟  措=湖普達措=普渡衆生(梵文)

今日我哋嚟到普達措國家公園,呢度雖然有D凍,但係感覺好正!見到好多上千年嘅冷杉,仲覺得佢哋係有精魂咁啊!呢度有一種好特別嘅魚類,“属都裂腹鱼”，鱼身金黄，腹部有一条裂纹嘎!

其實雖然好風光，不過因為係高原大家怕辛苦都唔愿意行，連續兩程路，大家都選擇車游，第三程大家就選擇搭船，又游船河～怕怕～好采都算好風景～而且十分鐘左右。呢個時候GG發現四川MISS嘅仔仔一個人喺船頂睇風景好寂寞，就話同佢搭訕。GG話佢COOL佢居然唔受落，后來我地先知佢個樣咁細已經係初三～GG死咁驚嘆結果俾小朋友窒話GG係嬤嬤,GG激死咗~~

總結下呢個國家森林公園，無時間用腳慢慢行係好可惜，景色都幾好。海拔上咗4000所以導游去之前嗌我地買氧氣租羽絨，我地好怕死嘅豬豬義不容辭咁話要拖兩樽氧氣上去，結果根本無用。可能係我買個D紅景天真係有用囖。

12:20p.m.每日一笑話

大家都知道，世界上有煽鶏呢樣嘢，即係失去某D嘢而失去某D功能公鶏。我哋吹水話仲有煽猪，GG真係信有，笑死～

14:00p.m.

食飯時我地同兩家南京人一圍，佢地好出奇咁問我地點解唔買翡翠～點解我地要買翡翠啊？

重點係想講，今餐終于有水蛋啦～結果湛江5人組合有幸同河南人一圍，佢地真係好識見招拆招。一上水蛋，佢地就一人不一羹，結果未轉到去河南人個度就無曬～哈哈～

上到車GG好唔識死咁問高二小朋友呢D係咪戰略，人地梗係話呢D係巧合啦！不過信不信由你啦！求先同臺嘅其中一個妹妹好突然咁問我：我應該叫你們3個姐姐定阿姨?我暈～(因爲GG食飯時同我講話佢想問個妹妹高考考成點)咁我心諗細我地D啫，寸咩啫，米就話：我們今年升大三,你覺得應該叫什么呢？後來先知人哋得13歲…天啊~~個樣唔似喔！不過MUI姐后來死都唔俾佢叫我哋ANTIE....哈!

18:00p.m.麗江

又再次翻到麗江，GG去咗會佢朋友,仲諗住介紹果個湛江高二小朋友俾佢F嘅細妹，實行幫人對親家。點知無人領佢情啊!哈哈!然後我哋又行古城啦,買咗几對情侶鏈墜.仲要落雨啊,搞到有D狼狽..又小瘋狂咁買咗D燈罩～一睇就知其中一個大紅大紫開中咩斐個范，唔買俾佢又點得啊！

我地完全將聽日唔可以去瀘沽湖嘅事拋諸于腦后。之前我地仲萬分激氣同周圍搵一樣要去瀘沽湖嘅人商量對策。不過條路塌方仲可以兜路去，不過要多行100KM，GG去會個個F今日就係咁喺瀘沽湖翻麗江。我去云南全為去瀘沽湖，所以三個人入面最激應該係我。結果晚黑12點落柜臺問倒，聽日真係要自由行兩日。失望！萬分個只！ 

8.6　12:30a.m.被困麗江

我同MUI姐一大早周圍出去搵肯去瀘沽湖嘅旅社，結果行咗成個鐘一無所獲。我一邊又搵翻昆明中旅個6比4投訴無人理我地，導游簡直好似死曬咁，半個當地導游都無出現過，我都知散客隨時會面臨呢種境地，只係無諗過會真係發生喺我地身上。好唔容易，有個態度嘛嘛多少有D囂張嘅女人打俾我。我米問究竟聽日去去得，我地愿意唔去玉龍雪山，推一日行程聽日出發去瀘沽湖。結果佢話去瀘沽湖條路因爲落雨塌方，搞到好混亂，又話要加錢又話唔負責我哋嘅安全,因爲根本無司機大佬敢行呢條路綫..嘥咗我好多口水，商量咗好耐最后決定瀘沽湖唯有下次先去，呢兩日我哋决定咗去束河過火把節。

我哋同武漢MISS同佢愛人租架車先去拉市海騎馬，嚟接我地嘅納西族叔叔都即好吹原來一切都係煙幕嚟，當我地去到拉市海嘅時候就發現叔叔同入面景區租馬嘅伯伯係夾埋明搶錢咁，我哋咁聰明嘅消費者梗係誓死不從喇，最緊要係當時太陽猛到可以曬干人咁，大家都知我一向唔曬得太陽架啦～一蕃大殺價之後我哋都唔屈服，但係就要同MISS哋分開喇。我地就坐定定邊斗地主邊等司機洗完車搭我地去束河先。去束河途中司機叫我地幫手去一個翡翠店度齋睇，唔使買，佢話佢可以收翻小小回扣，我地咁好心梗係落車打個白鴿轉啦！

一到束河，我哋首先組成睇房團不斷邊行邊睇房從60到200幾嘅都有，本身喺青旅訂咗房結果青旅就搵唔到，但我地就搵到一間叫烤太陽客棧，入面得兩間空房，其中我地參觀咗一樓個間雙標，係類似木屋結構，入面幾古色古香，係兩張床并成一張大床，D嘢睇落都幾干凈。不過老細好自信咁話佢間房好好，唔肯減價。后尾又睇咗幾間，發覺人真係先入為主架～最后我地三個一致決定唔可以虧待自己，要住得好D，所以最后決定喺好有FEEL嘅烤太陽客棧落腳。

當我哋放低晒行李之後就周圍走喇，完全無方向感嘅情況下我哋居然搵倒茶馬古道博物館，入面無咩人，我地就入去慢慢咁參觀咗下.

後來我哋見到一對好藝術嘅夫婦，老公幫人畫肖像畫，老婆賣雲南小食。我哋喺秋千上面歎咗個小小嘅hi-tea。老板娘嘅玫瑰糕好香嘎!D雲南香腸好鹹嘎,其實外省人所謂香腸唔係我地嘅香腸，而係臘腸。

食完之後覺得好渴，所以去咗一間叫小巴黎嘅餐廳飲嘢，幾有古城風情架，最適合我地入去吹吹水～我地試咗下D嘢，仲發表咗下感想：

G:檸檬果珍   感覺唔錯,唔太酸。

C:熱朱古力   淡咗D,真係好熱。

MUI:凱撒沙律   半生鶏蛋+生菜+醋   D汁好味!

20:00p.m.去參加咗火把節嘅前奏

亂逛咗一個下午，翻客棧諗住休息下，GG仲不忘拍翻個DV紀錄下，呢個時候老板大熊好熱情咁問我地去去睇火把節，我地梗係會去啦！原來今晚嘅主題係跳舞。正確嚟講應該係群魔亂舞，呢樣我地最拿手啦！

去到新四方廣場已經好多人圍埋一齊準備群魔亂舞，更多人係拎住相機影人地亂舞…哈哈～跳舞個時大家死嗌爛嗌好似上曬身咁，其實好多人根本連方向都未搞清就係咁舞，不過唔緊要啦，最緊要開心啫！可惜我爭D俾人“分詩”啊，因為GG、MUI姐企我兩邊，佢地又分別俾人拉向兩個方向。MUI姐俾大熊拖住，夾住咗佢只戒指整到成只手痛到死喔……

大家喪跳咗個幾锺之后。我地一行8人又浩浩蕩蕩殺翻客棧，路上我地好好咁認識咗客棧部分住客同常客：一個律師哥哥（佢識講韓文架）　，同一個奇怪嘅多動症科學人王雷同志（佢識講俄語同維吾爾語架）貴州籍人士，仲有兩個四川峨嵋嚟嘅姐姐仔。佢地死問我地有幾大，我地米話十三四囖，其實一開始佢地信信地架，最衰MUI姐一見到火把就話想睇燒褲襠，搞到我地扮細路嘅奸計失敗！律師哥哥話講得呢句起碼有21啦～真係見多識廣閱人無數啊～！傾得HIGH HIGH地王雷同志跳咗落河表演插水~~哈哈！真係撞鬼。翻到客棧，我地齊心屈老闆大熊請我哋飲酸梅湯（佢客棧門口有間鋪專賣酸梅湯同玫瑰漿）。吹咗一陣水就有人提議去散步喇～點知我哋傻下傻下又話要去。點知好唔好意思咁做咗電燈膽啞!半路唔知律師同四川高妹去咗邊，然後我地三人獨自行，無意中及倒王雷同志孭住四川小妹..oh，原來…我地真係傻。

21:00p.m.一間新開店嘅茶館

我地又突發奇想要飲普洱奶茶咪喺一間嘢嘅外賣處等咗好耐，決定都係上樓飲算。當我一開門行入去，屋入面一臺人都好異相咁望住我，我仲唔識死帶住佢兩個行入去。有個哥哥好有禮貌咁叫我地上去。我地米上去囖，見到環境幾好米即係擺下POSE留低D倩影囖。后來又有個哥哥專登上嚟招呼我地，我地先豬原來間嘢細未開業。我地係第一個客人。哈哈～LUCK～MUI姐飲咗杯普洱奶茶+普洱蜜之後,先發覺原來+1蚊多1件，佢老人家勁鬱悶!

翻到烤太陽之後我同MUI姐百無聊賴捉五子棋等沖凉，可以同我呢D高手過招，佢真係畢生榮幸啦！過後MUI姐突發奇想話要出去買宵夜俾我地食，無奈出面間Bar唔見晒D服務員,唯有問胡sir邊度有嘢食。最後大家决定，玩炒飯仔～我就先去沖涼～佢同GG好俾心機咁炒一大鑊飯，連狗仔SUNDAY都聞到陣味走去廚房門口控下，幾經辛苦炒好之后，我地好熱情裝咗一大湯碗俾胡sir,點知原來大家都眼大肚窄，食唔晒.…胡SIR仲話咁大碗，民工先食得落。哈哈～不過MUI姐仲俾咗小小sunday食,佢都食得好滋味喔聽講。不過會會影響佢弱小嘅心靈就好難講。唔記得介紹SUNDAY係烤太陽入面一只狗仔，佢成日嚇我同GG真係無陰功，由于我對除咗人之外有毛嘅生物敏感，加上GG怕狗，唯有成日派MUI姐去鎮壓佢。

食玩之後,我哋竟然撞到Uncle lawyer（即係律師哥哥）帶咗個本地姑娘上房啞～我地懶熱情咁叫大家食宵夜佢真係毫不客氣咁自己莊飯俾佢新女食....過後無耐大熊同王雷同志都翻嚟喇，我同MUI姐玩多一陣五子棋敷個MASK就瞓喇。好舒服..goodnight..  

這個日志只為把我們旅途中的點點滴滴刻畫下來...記得上次從河南回成都的時候，江芮問我有需要將旅途中點滴都詳細紀錄下來嗎？我說有，因為我害怕他朝的遺忘。這次旅行歷時13天，是有記憶以來最久的一次，而且我的驢友是兩個非正常人所以趣事之多可想而知。

7.3０

上火車嘅第一日,遇到三個有住豐富人生經驗嘅廣州阿姨，佢地同我地暢談咗從70年代開始佢地嘅旅游經歷，幫我地憶苦思甜咗一番，之后一個教我地炒基金，講解咩叫三不買；一個教我哋搭頭等艙嘅時候要扮瞓覺，等D靚仔空少幫我哋冚被。GG同MUI姐覺得最大收獲係喺我嘅教導下佢地學識咗斗地主.. 其實去過外省嘅人唔識斗地主你話點講得過去啊。 

以前媽咪成日同我講做老師好，我都唔信架，今次旅行發覺做MISS真係幾好，起碼有兩個穩定嘅假期，想去邊就去邊，而且門票又可以打折，而我呢個發現就多得沿途遇到嘅各位健談嘅老師。喺火車度都遇到三個老師準備自由行，其中一個大理推薦束河，當時束河係用邊個束我都未搞清楚，不過總算有咗一個印象。

我記得我入U之后最早訓係11點，事因我個日病咗。估唔到，搭臥鋪真係好健康，11點就準時關燈，搞到我地三個早早就訓咗。差D唔記得介紹我地我陣勢，我地係買咗兩個上鋪一個中鋪，我同MUI姐左右護法訓上鋪，GG住我樓下，至于GG樓下一直無人喔，我地米同姨姨長駐喺度吹水囖， 關燈之后出咗名畏高嘅MUI姐突發奇想要侵占人地個下鋪，咁我梗係由得佢留喺“地獄”自己上“天堂”嘆啦。喺我訓醒一覺之后覺得對面有人郁，原來MUI姐爬上嚟我米問佢搞咩，佢好郁悶咁話：下鋪個主人嚟咗我米上翻嚟訓囖。哈哈～后來我地先知，原來係有個女嘅半夜補飛過嚟搭臥鋪，MUI姐人地一共俾咗四百幾啊，你個D抵俾人趕啦！

７.３１ 

一覺瞓醒,竟然火車軌塌方！有舊大石頭砸咗喺度，列車長仲要話無限期停車。我哋仲要停咗喺兩座山之間..手機又無曬信號，嚇死我哋啦...停咗個四個鐘,期間我哋都好心急,驚無水無電..喺阿姨的教導下,我哋做好晒貯水糧的工作喺鐵路工人一輪努力下,終于都可以再開車啦...

離到站仲有兩個鐘就開始進入石林區，阿姨就同我地講就見到阿詩瑪架啦，我地唔理咁多摷部相機就開始影D石。同事思考阿詩瑪嘅故事，只係記得係個悲情嘅故仔，具體喺點點都諗唔起，其實中國關于最后變石嘅故仔都無一唔係悲劇啦。

就落車啦，大家都喺度講，希望旅游過程中有機會再見。其實生命入面有太多呢種一期一會啦，或者以后無機會再見。但係我諗起云南都會諗起你地。

到咗昆明已經8點，我地一出閘就見到有個寫住"葉可明"嘅牌，有人接我哋啦..而呢位哥哥就係當時我地喺網上搵旅社而識到個位，為咗問嘢，我都同佢大大話話吹咗大半個月架啦！值得一提嘅係我哋第一餐正宗雲南過橋米綫係由接我地個位6比4哥哥請嘅（當時我地仲未俾團費）...GG同我經過多番努力都搵唔到掉咗落D湯嘅個只鵪鶉蛋啊～555～～

后來我哋交咗錢,就入住楚源酒店.MUI姐好有大志架佢話要開翻間張楚帆酒店喺隔離..呢D年代嘅影星係佢先識，其實GG可以開翻間寶珠啊，不過生意應該會幾慘淡。

  可能喺火車訓得太耐，我地太精神，我地居然去抹干凈酒店個防盜網，因為我地想洗衫，而昆明D酒店又無空調，因為話昆明四季如春，如果裝空調會俾人話你嫌錢腥。仲有昆明家家戶戶都係太陽能，所以好環保架。