最近 又慘變 長期病患，郁d就發燒

 

就連食4件芝士餅干都可以 燒到38.5

 

究竟系米支探熱針壞咗咧？

 

個個都話我水土不服，我比較傾向懷疑 自己有咩隱疾……

 

唉～如果我有咩冬瓜豆腐希望大家千其唔好送白菊咁老土，

 

記得要送都送粉紅色郁金香多謝 大家～

 

maybe 人長期閑賦在家加上極度無聊 系比較容易胡思亂想～

 

 

 

不過前段時間d生理時鐘好亂

 

晚黑成點鐘都 輾轉反側 訓唔著

 

有時候 夜深人靜 就會諗下 如果地震 應該匿去邊咧？

 

靜靜地坐喺度上網嘅時候 有風吹埋嚟 我就會諗 eee～系米 地震咧？

 

最記得 上次 飲大兩杯之后 加上 當時所在地空間比較狹窄 音樂聲浪比較high，就開始有earthquake嘅feel

 

唉～唔通呢d就系 傳說之中嘅思覺失調？

 

定系因為512 令我弱小嘅心靈都 受到巨大嘅創傷？

 

近排米成日 吹風話 珠三角會咩大災劫嘅

 

少安毋躁啦，我老人家 驚都未驚過～

 

張敏話齋要死就晤使病吖嘛～

 

唔擔心得咁多啦～

 

 

好啦，唔講d唔開心嘅嘢……

 

最近天氣好翻d，學豬豬話齋 如果 諗倒d咩 健康有益有聊又唔使洗錢嘅節目 記得約埋我啊～！