點解要用 Life continue？純粹順手拈來啫。

 

　　　我可以SURE無關EASON樹，我好耐無聽佢嘅歌。喺學校個陣WEEKEND就會俾ROOMATE捉住睇快男，翻到屋企終于脫離咗魔掌。偏偏最近又變咗開始狂煲超級星光大道。正～

 

　　　我個人首推潘裕文　《離人》，再推薦楊宗緯、蕭敬騰各個版本嘅　《背叛》，同佢兩個PK版《新不了情》。呢D係比較有層次嘅唱歌比賽。如果好多話費可以浪費想短信投票當然可以睇低質素D嘅啦。死啦，咁講開學應該入唔到宿舍門口架唩。好采佢地唔識睇白話。4GIVE ME～

 

　　　之前，有人話我懶唔UPDATE呢個BLOG。UP親就得好短。所以，我就發揮廣東人吹水嘅精神，介紹下最近忙D乜。其實翻嚟20日簡單嚟講乜都無做。所以，決定咗30號去云南。

 

　　　其實早喺初中嘅時候已經無比想去，次次都有DD小問題成唔到行，舊年JOJO,KITTY同藍　地自由行過去搞到我好羨慕。所以今年無論如何都說　MUI姐同豬豬一齊去一次。為咗同大家SHARE瀘沽湖嘅美景我星期六專程過HK買咗部新嘅W90～真係如果唔靚我就DOM心DOM死囖～

 

　　　講起HK，最近TVB晚晚新聞都講有D咩MADE IN CHINA嘅嘢又唔合格，俾人退貨之類，最死連大白兔糖都話有甲醛，雖然最后質監局話無咁回樹。但係影響真係好大。我去買鞋個時隔離個叔叔，羅起一對鞋話：E～大陸出架？又無唔係大陸出架？　　SELLS哥哥話：成千蚊對都係大陸出架唩，質量無問題架。　唉～鞋啫，就算質量有問題著咗都唔會有CANCER唔使咁啫，大家都係中國人。雖然，我買咗一大堆嘢都係得一件MADE IN CHINA，不過意外嚟咋。我愛中國架。雖然唔愛～～～～～唔講太DETAIL啦，米使……哈哈

 

　　　諗起之前其實有兩次寫咗新嘢上嚟，不過唔知點解保存唔到草稿，寫咗D咩？

 

　　　好似講咗D之前D搞笑嘢，開始流水賬啦。眼訓嘅可以訓先，因為好長。

 

　　　有次我去幼稚園支教，即係教小朋友D簡單英文同唱歌，我個日尾指搽咗黑色指甲油，點知有個小朋友同我講：我不喜歡黑色的。　“那你喜歡什么顏色？”　綠色同黃色，我長大了送個綠色和黃色給你吧。哈哈～我以為E家D佬先口花花，原來小朋友都學到嘢，呢D咁細個已經咁，大個真係……　前途無可限量。

 

　　　跟住係游樂場，個日真係好似喪咗咁。成個游樂場都俾我同YANIE兩個翻轉咁滯，雖然D電動游戲唔係我玩過最正，不過絕對係近幾年玩得最喪一次。最后居然全身濕曬咁翻學校。而我嘅結論係，趁后生一定要玩D激D，老咗咁翻兩翻骨都散啦。仲邊有心情HIGH啊。最開心唔係有得玩。係我大學以嚟第一次逃課去玩，仲逃專業課。哈哈。爽～結果……！@#￥　　算啦，一個學期啦。我連口語課練係普通話定英文都未搞清楚。　

 

　　　經過無比掙扎之后，我又試坐火車翻廣州。學我同新妹話齋，呢D嘢做第一次叫發神經。有第二次就叫發老姣。不過其實我無辦法～鬼叫今年咩都鬼曬就得火車票平咗咩～！555～～～結果不幸俾鍶敏言中，我翻嚟之后腳抽筋。

　

　　　前幾日我有人喺BLOG討論結婚問題，結婚，有深度。

 

　　　近排有人結婚我先發覺想話結婚真係唔容易，搵對象已經係最大問題啦。以前我有某密友講過以后佢自己一定係雙睇結婚，當時我笑佢戇居。最近，我最親愛嘅…居然俾人呃咗去佢人生第一次雙睇之后。我發覺，雙睇真係好恐怖。特別佢同我講當時佢問個佬平時有咩消遣，會會上網之類。個佬話佢唔識用電腦滯，短信都唔係幾識搞。我差D殺人。如果呢D係所謂搵倒錢嘅成功人樹，我無曬意見。佢原始社會出嚟架？　好啦，好唔容易對象俾你搵到，就到買屋，賣車，買樓。之前GARY話過一個月儲2000，買一間100方，3000/方嘅屋，加部FIT就要十幾年。E家乜都漲除咗人工啊嘛～你話買起幾難啊。你好采，有錢買，居然又到驚婆媳糾紛。唔糾紛，又到生仔。　恐怖，好采，我無打算結婚。－。－！

 

　　　OK，呢D好似我暫時唯有資格討論，因為我地呢D仲后生，係咪先。不過，E家睇翻D電視，報紙，新聞出嘅天才，咩比賽冠軍啊，居然都細過我，無人性。老啦。不過年齡老化最大問題，係年齡中位數提高。結論：仲有人老過我。

 

　　　大后日，我老人家決定聯合成臺麻雀嘅兄弟姊妹做翻D創舉。原來呢十幾年嚟，我都無做好帶頭作用。以后更加唔知又無機會。所以……