Profiel van C_CＬeeＳylvian’ＣlubFoto'sWeblogLijstenMeer  |  Extra Help |
|
30 juni 暴風雨下嘅gettogether自從 翻佛山之后 一直 喺 暴曬暴雨 暴曬暴雨 之下 度過，
心情相當郁悶，梗系啦 咁嘅天氣 實無人約啦！
特別最近 日日 橫風橫雨……
貴人返鄉招風雨，唔通連個天都……
 不過喺 暴風雨下 我地依然都堅持搞咗個小型“少女研討會”一齊吹吹水，講講是非。
雖然因為天雨路滑、同有d人財多身子弱 減少咗 參與人數，不過 人少少嘅我地一樣咁精彩。
轉眼間就過咗9年，想當年我地笑人老，e家俾d 90后笑我地老……
既然都老，我地梗系要做翻d 老人家應該做嘅嘢 —— 懷緬遺失的美好。
咁問題就嚟啦：讀 榮山 嘅時候 大圍最中意 做咩啊？
其中唔少得嘅一樣 梗系影 貼紙相 啊！
講起 貼紙相 真系 太多嘢可以share
以前無論 咩時間 我地抽起條筋都會 跑過去 影翻輯
所以 數量 同 質量 都相當之可觀。
但由于 年紀老咗 日久失修 加上 長期 孤家寡人 出門在外
讀U之后今次之后你系 第二次影。
琴晚 講起 e家 睇翻 以前d 貼紙相嘅感覺，
有人覺得以前好清純，有人覺得戇居居好娘丙，而我就覺得無論造型如何 個d 都系 后生時候嘅回憶
本來生活 平靜無奇 因為有回憶 有漣漪 先會有高低起伏。
下次 有機會 真系 要將 擺曬喺 柜桶底 個d 私家珍藏 公諸同好先得。
咁喺未 擺大家上臺 之前 咁系要隆重 介紹下琴日嘅杰作啦！
其實我都未試過 影成輯相 人數都 無變過 都算系 創舉啦！
我d攝影技術一流架，個個都影得咁靚！
除咗 揸機技術一流之外 教大家自拍功利都一流！
嚴重覺得我地 兩面受敵嘅情況下 表情一樣咁 百變！
又到recommend 靚女時間，上我blog好多都系識榮山 一中時期嘅f下面嘅靚女你地又認得幾個咧？
揾唔倒熟悉嘅face都唔緊要 我順便都會幫佢地5個 唔系 系4個（準備嫁嘅唔計） 做免費 征友！
唔使怕丑有睇啱米即管講囖！
23 juni 8級地震后 劫后余生遺棄的人水深火熱
撲向一個人 其實地震完，唔夠5分鐘我就想上嚟寫嘢，可惜一點開個網頁就俾宿舍阿姨cut電～
然后就過著漂泊不定嘅難民生活。
遲咗110個鐘，難涯嘅5日。
E家就等我同大家重溫地震嘅前后。
2008.5.11
我去市區同F shopping買嘢翻dorm玩煮飯仔，等車嘅時候，見到D蝴蝶飛嚟飛去仲有一只停喺我頭發度趕都唔走。
wing仲笑我招蜂引蝶
 。當時無諗太多，覺得純屬巧合。
個晚仲好開心咁玩煮飯仔添～
2008.5.12 9am
之前啊晚同豬豬傾Q傾夜咗，就無好似以往咁7點半起身，
九點幾先爬到起身，發現D水一直好渾濁，我開住好耐先接到干凈D嘅水刷牙、沖涼、洗頭。
11am
收拾好，就幫yanie去揾張胖娃 問完轉自考嘅時候，翻宿舍路上發現蝴蝶又成群成群咁喺草叢度飛，當時諗最近D蝴蝶肯定好得閑～
后來就食完翻，喺宿舍上網。
14：28pm
上上下網覺得玻璃窗好大力咁郁，第一反應係：又會咁大風嘅～
即刻就feel倒 噠地都郁埋一份。
馬上就意識到地震，我即刻就羅手機開始打，一直就出現“error”。
宿舍外面出現猙獰嘅慘叫同腳步聲，我即刻就諗我喺6樓E家跑落去都係死路一條，不過留喺度，因為畢竟我坐住個位喺床底下有嘢跌落嚟都有床擋住…………
D震一直無停過，我就周圍望下 隔離樓同開門睇出面……只手一直無停過打電話……
好唔容易停咗，簡直有度日如年嘅感覺。
我即刻發現王純個q寫住：好恐怖，地震……之類，
我就問佢咩回事，佢話武漢地震6級。我當時仲諗好采表弟無去讀華中科大，唔知津津哥E家點……
后來下面越來越吵我就沖去掃曬D手機，電池同錢落手袋，換件衫就踢住對拖拖沖落樓，發覺樓下聚集咗好多人。
唔知點解心血來潮咁，我又上翻樓，繼續邊上網，邊換鞋，期間仲同王純仲有uncle charles吹咗兩句。
突然無咗電，我唯有收拾架撐走翻落樓。
我見到宿管阿姨就問佢點解無電，條蛋散就開始“淘”我，話我地震都唔跑咩咩咩咁，其實我無比怨恨佢阻我上網同鄙視佢無常識，跑都要睇情況跑架阿姨！
3pm
我地萬惡嘅院長 召集大家佢操場集會，佢用佢啊D惡心不已嘅四川話，開始講黨同人民會點點點，我地應該點點點……
最重要係通知我地，今晚露宿操場。唔俾翻宿舍！
好采茫茫人海之中，我見到嘉平 然后揾倒鍶敏，知道佢同吖新妹 都無事……
到后來，無意之中見翻yanie、wy同wing，唉……
劫后重逢簡直，因為電話唔通我最擔心嘅幾個人終于全部見翻曬……
18pm
手機陸陸續續收到D屬于幾個鐘頭前嘅短信
張敏、表弟、表姐、老豆、妗母、咩斐、王純、小遠、…………
個個都幾條幾條咁發都系話我電話打唔入，短信又唔回咁，其實我已經好努力咁不停噤，可以就系唔得。
后來好唔容易先發得出信息……
2008.5.13 3am
一地震完，其實個天就黑釃，估倒要落雨，點知佢偏偏要等我地好唔容易訓著曬先嚟落。
后來撤退咗去體育館嘅走廊上面，佢地話有乜事都可以閃快D喔～
真系標準 災民啊！
2008.5.13
連我自己都唔知道我地系點郁悶咁度過咗13號。
13號 手機信號好翻d，我就周圍打電話俾藍，陽陽，波波，蜈蚣，知道佢地相安無事，都放心好多……
2008.5.14
一早，聽講宿舍終于解封，可以搬嘢翻去。
搞好之后，我同wing決定去市區行下街睇下市區咩環境。
沿路發覺好多鋪頭都無開門，路邊好多帳篷～
原來好多人有屋企都唔敢翻，難為我地呢d無家可歸！
突然間wing媽媽 打電話嚟叫我地去買定d口罩，話彭州有化工廠爆炸，d氣味好難聞，連佢阿姨都搬咗翻外家。
我諗應該系氣體泄漏之類，問題唔大。
所以一去到伊藤洋華堂見到好多人喺度爭住買水，買干糧我仲好奇怪。
我同wing講e家地震真系搞到人心惶惶喔～
我仲及時影低d搶購盛況……
結果，唔夠15分鐘之后，我地居然都加入戰團，因為喺公交上面有個喺某5星酒店做嘅姐姐問我地做咩仲唔去買定d水，話佢地酒店出咗告示要停水。
我個人覺得咁大個城市應該會有儲備，唔會無啦啦停水，而且如果系氣體泄漏點會影響倒d水咧，我百思不得其解。
不過wing就好騰雞，要我打電話翻學校訂水同陪佢去supermarket入貨。
去到之后，終于俾我領悟到一樣嘢，真系人唔死到100歲都有新聞！
咁大一間超市，居然液體狀嘅嘢都俾人搶購一空，排隊嘅人異常咁多，跑入去想買水嘅人仲多～
我覺得地震個刻都無咁折磨我，見到d人咁crazy搞到我都變埋羊咩仔……
我當時就即刻決定要飛翻去避難。
雖然中午嘅時候我已經知道，停水系誤傳，不過我去意已決。好堅定個只！
發現成都無機票賣之后，唯有揾 王純 同學幫手 轉戰重慶江北機場。
好采得到佢鼎力支持
 跟住 買 火車票去重慶，翻宿舍執拾行李，每一樣嘢都順利咁進行。
（地震震冧曬我室友柜入面嘅書）
2008.5.15
之前個晚同鍶敏、姜姜地搬咗落三樓d宿舍打地鋪，訓醒之后依然戇居居，可能睡眠質量比較差啦。
成朝都系坐喺宿舍停收音機，radio入面不停咁話，咩咩地區咩人發信息嚟想向佢屋企人保平安，咩咩地區e家最需要咩 請大家都踴躍咁伸出援手……
覺得 原來嘅災難過后其他人系咁，而我就選擇走，我都好糾結 究竟 走系米最好。
13pm
喺去北站嘅路上，我一直都幻想會會有余震，火車會會因為余震出軌，好多復雜嘅諗法。
見到 火車北站 大門上 顯示 11點 去重慶嘅列車要delay，就不由自主，揾下自己班車系米已經delay，發覺無，即刻松曬。
入到去排隊入閘，條隊 開始有要向前移嘅跡象，暗自有d開心，就快走到，結果個mon特然出咗句“T888列車 延誤99小時”
簡直覺得心情直插入地獄，快速咁拖住行李過去退票，發覺退票窗人山人海，算啦，求其賣俾個票販，就即刻過雙橋子揾汽車。
途中 某位半個世紀無聯絡過嘅盧yz先生 打嚟 我第一句就嗌曬救命，同佢解釋我嘅苦況，當然佢d遠水救唔倒我。而且佢無即時幸災樂禍我都覺得幾俾面！
好采，買到3點汽車飛去重慶，結果等到2點嘅時候有個靚女大聲咁嗌“有沒得三點切重慶的？”
我即使彈起就沖咗上車，可能動作太快，嚇親個司機，司機叔叔話“你動作黑快的嘛，你運氣好，3點去重慶的車子還沒到成都”
唉，真系 一額汗囖
 可惜部車只去陳家枰 唔去菜園壩，我到步之后都 花咗d時間先順利 過到去 投靠王純同學。
2008.6.16
因為應承咗幫 yanie 過本部報名考口譯，所以就搭西政嘅校車上歌樂山。
名校就系好
 仲有校車可以搭……行高速架，幾high class 因為太無聊，我去咗一個 地方，呢個地方 我之前上咗兩次歌樂山 都無 去過——就系聞名天下嘅 紅巖！
博物館因為要 維修，所以唔可以入去，居然俾我撞巖 每日中午11：27嘅 點火儀式。
雖然儀式系行貨d，不過我都趁機影低同大家share～
6pm
去到江北機場之后，發覺時間尚早，就周圍影相。
好采飛機準時，起機，因為系737 d 細機 特別“西”，一上機，我唔理 身邊人熱烈討論地震，發揮 睡仙 嘅精神，訓到s咗咁～
直到落機，赫然發現 西部航空 真系好嘢，飛機無bussiness class都唔系最神奇，最奇 飛機餐系 餅干～
呢d都唔重要，喺我半夢半醒之間 我已經 翻到佛山。
終于可以宣布 逃難正式結束！
ps。
雖然，脫離苦海。不過我都不忘周圍叫人捐錢捐血架
 以前或者你從來唔知咩系地震，不過我e家可以好清晰咁 知道 地震災害系咩一回事。
知道自己、人類面對 自然 好渺小，如果可以幫到 地震災民，無論做咩都可以，我講真架！
|
|
|
