C_C 的个人资料ＬeeＳylvian’Ｃlub照片日志列表更多  |  工具 帮助 |
|
12月31日 別了，2008。你好，2009。即將告別2008。
向更好的2009進發。
2008前的我，我已漸忘。
2008的我經歷很多，與死神擦肩而過。
步入人生另一階段，升華、沉淀。
2008後的我，……
對未來有憧憬有期望。
突破現狀。
不安而隨遇而安，繼續傻乎乎地活下去。
年輕不過如是。
我很年輕，2009繼續年輕。 12月29日 My X-mas一個策劃已久，波折重重嘅假期。
連續四日假期，翻工之后，最嘆嘅四日。
24號，帶住一大袋嘢匆匆行入office又要手動sign on
 坐落無耐，一個裝假狗嘅圣誕老人就嚟派糖，唉～整粒德芙都好掛！？
跟住一日就沉浸喺就快放假哦啊嘅興奮當中。
三點幾，一邊同個長氣客搏斗，一邊拉著圣誕老人抽禮物。
199嘛，我記得你。
系雪完美，一只我一用即過敏嘅國內名優產品
 跟住嗰一個鐘我簡直放松心情，完全唔接call，因為sherin話叫我去復賴生。
我地要賠300個units俾佢。
唉～惡系得架～拉我去坐監真系work架。
老細話佢好混亂，我趁機話29先復～
跟住米就提早松人囖～
好折墮咁一班人人手丟低一杯可樂，匆匆上車。
一路顛簸不平。
神奇咁無排隊就過關。
開始去到大城市先10半，一團人浩浩蕩蕩咁阻塞交通。
繼而流落街頭，實行三個鐘頭，重溫港九幾大景點。
  不知不覺倒數完。
身心疲累之際終于偉大咁決定訂房訓覺，然后又食到好假嘅炒面。
掙扎許久，沉睡。
然后再有知覺嘅時候就系，見到三個無良嘅人羅住D行李……
感受咗下茶餐廳、七仔，就去會合豬豬地。
俾個老細氹咗我地去住7人間，重溫昔日宿舍時光 都無損我地興致。
帶住三只禽獸行曬D高級寫字樓，睇埋室內 摩天輪之后，就去咗扮富豪。
Mui姐喺巴士度，扮曬老佛爺，目不斜視啊
 哈哈，咩叫住洋樓養番狗喺赤柱米可以真切咁體會囖。
雖然我嘥咗幾個鐘都唔明美利樓有咩特別。
不過可以睇倒咁多蜜蜂兜都爆埋都值回票價啦。
哈哈，跟住又系幾個鐘迷失時間，time squre，sogo行暈，系行到暈。
D收獲全部落曬個胃。
為咗做到做曬D交通工具，我同豬豬對住個電車牌唏噓好耐。
終于揾倒方向。
哈哈，幾個站就到灣仔。
唔系全心嘅，不過確實行過路過N個五星酒店。
star ferry魅力喺邊？
米就系兩個二可以睇倒一舊水嘅景。
唉，如果碼頭唔折埋，你話旅社仲點扼錢？
為咗幫mui姐尋覓翻佢粒星。
喺尖東吹成個鐘風。
途中BB同GG居然俾D吖叉吸引咗去，唔舍得走。
真系老鄉見老鄉……
終于喺路頭揾翻mui姐，由于mui姐話做人要低調。
唯有只俾佢嘅Adi出鏡啦。
好唔容易揾倒大家樂，發現已經打烊，火鍋吖～火鍋～
只好變成牛雜粉。
流浪大半天翻到住喺地方，已經夜深。
發現某D人仲徹夜不歸。
三更時分，突然有人用鬼祟嘅聲喺度：Sylvian、Sylvian。
嘔血，我到星期一先知道原來系Derek早知熱情回應下啦。
咔咔。
第二朝，一行人整裝待發，又到處參觀。
對，參觀，因為實際買野時間唔超過一個鐘。
邊個話女仔行街慢。
俾你見識下咩叫快準狠。
一輪打沖鋒。
原來已經5點幾。
收拾心情歸家去。
雖然無咩斬獲。
不過難得假期。
心靈上已經滿足。
12月12日 終于俾人complan啦～！今個星期有嚴重自我毀滅傾向。
喉嚨喺我不停咁摧殘之下，終于不勝負荷。
我堅信以毒攻毒。
喺牛肉干同各樣熱氣嘢食品嘅加持之下
喉嚨入咗一個新境界，可以講講下call特然變聲。
政治都有學啦，除咗內因，外因都好仲要。
俾狗咬爛RS嘅金先生、同帶RS搭飛機嘅張先生系幫兇。
同我幾番糾纏嘅張小姐、楊先生其實都系主謀。
由于喺你地背后用粗口鬧你地鬧得太光明正大
搞到俾Iris聽到、嚇親大佬添，god bless me。
而最罪大惡極肯定仲系個Target。
一個星期唯一一次，居然都系我爛死唔走，逼winton wrap up換翻嚟。
汗顏啊。
糾結咗五日，終于嚟到尾聲，打算失望而回。
結果命運又再次眷顧我。有驚喜上門啊。
終于俾我遇到第一個complain我嘅人啦～！
陳生，我愛你啊。
我好appreciate你complain我
因為你令到我知道北美股票基金系幾時cut off。
我簡直如夢初醒啊，原來我一直以來嘅推測系啱架。
不過，請唔好同我supervisor講我搞唔清星期五落指示會用幾時基金價格去做。
因為實在有損我辛苦建立精明能干嘅形象。
其實我已經好誠懇咁話唔想誤導你。
結果你唔buy都算。
你仲叫錯我名。
Sylvia你估珠光寶氣咩～！
老細，你下下十幾萬上落，連個英文聽力都唔pass。
北美跌凈一半仲入北美睇嚟智商都有一定局限性。
默哀中……
睇嚟Cindy Lau先幫到你囖。
好啦。
今日總結完畢。
我要好好反省，因為我決定下期同大家研究基金。
喺研究之前。
先解決綁架問題，升級吖，升級。
講起complain，我又不得不share Golden Sun事件。
話說，某人309婦研活動假座Golden Sun。
我同咩斐同學遲到，叫極都無人嚟招呼我地落單點嘢。
我地呢D Chur界高手，火都嚟埋。
就好慶咁同個waitress講：叫你經理嚟，我要complain。
個戇居居嘅Waitress話：下？經理唔得閑啊，你要應聘我羅個表俾你填住先。
！@#～％……&
咩先系complain界嘅高手，U C～！
12.15續
今日系婆婆生日，我地好乖咁陪佢食齋。
食齋，聽落都好齋，而且系仁壽寺出品。
仲齋。
結果食完覺得還好。
可以推薦。
不過，有無大眾諗得咁健康就見仁見智。
接落嚟就系貼圖時間。
細心欣賞，其實都幾精致。
 紅燒魚，口感麻麻
 形似神更似嘅燒肉
 魚腐+叉燒＝新鮮組合
 雖然樣唔似，不過口味勁似麥樂雞 12月9日 MY No. 1's 95 years old剛剛同我許久不見的高中同室密友Ms Long傾完長途。
幾千公里算得系咩。
我一樣咁清晰咁感受倒你爽朗嘅笑聲，U C～
知道你就翻啦
準備好節目等你下，乖～
估唔到你一開口第一句就問我：今年有邊個結婚啊～？
年紀大咗煩惱特別特別多。
為工作、為生計、為屋企。
原來E家仲要煩惱埋D F幾時拉埋天窗。
危機意識啊，姊妹～
姑婆屋嘅首期你準備好未？
anyway，好彩我D高中密友都未有呢個打算。
儲錢做人情都好頭痛～！
星期六系九十五周年校慶。
下班之后一支箭咁同GG、BB沖翻去，可惜……
已經散BAND。
唔緊要。
默默翻去感受下D校園氣氛。
人都年輕D。
唔同曬囖～
咩都唔同曬。
桃花依舊，人面全非。
人類進步都系建立喺不斷改變上面。
變成點，請大家欣賞啦～！
 久違嘅Playground
 著名景點 —— 尊師亭
 三教
 曾經嘅高三14
 爛蘋果
 二教與華英樓嘅結合
 圖書館
  最陰森嘅棺材巷
|
|
|
