天下间从来都无不散之宴席。

 

   　怀住复杂嘅心情同大家ＳＡＹ　ＧＯＯＤＢＹＥ，正式结束咗响QZX两年嘅工作。

 

     好庆幸我选择迟咗一个星期去开最后一次会，如果同大家一齐去讲，我惊会受大家感染，无办法人太眼浅。

 

     我E家仲记得第一次去IN嘅时候，自己咩都唔识，好傻，写策划书，都唔知写出D咩，好多谢个位师兄，当时坚持要收我，虽然我好无人性咁已经唔记得咗佢个名。

 

     或者同大家讲嘅一样，之后一直走得好顺，之后就好唔好意思咁霸住咗掌门人个位咁耐。

 

     虽然仲多少怀念大家叫我做老大嘅日子，不过年纪大咗，唔退休都唔得。

 

     带住峨嵋派走过咁长一段岁月。我觉得好PRIDE。

 

     我会永远记住同大家一齐参加嘅活动，无论系去特殊教育学校，为咗活动练歌、排舞、排千手观音，去医院探血癌嘅小朋友、准备礼物俾佢地，定带住百几人冒住雨响街度募捐……一切一切都系咁难忘。我学到嘅，好多，待人处事，方方面面。

 

     我上星期开始执自己响协会D相，发现我地有过好多认真同搞怪嘅时候。 

 

     无论在工在私我都觉得我地已经系一家人。

 

     虽然比我想象中留得耐，不过都OK啦。

 

     我选择咗帮部门做完我可以做嘅时候，走，我觉得好适合。

 

     以后星期日晚同星期一中午嘅时间都可以唔使开会，自由支配时间。我谂反而会唔习惯。

 

     话晒，我系荣休，所以，我带住不舍留底祝福，同大家暂别。